Афғонистон билан чегарадан 20 километр узоқликдаги Тожикистоннинг Ҳарб-Майдон полигонида Ўзбекистон, Россия ва Тожикистондан 2500 нафар ҳарбий хизматчи иштирокидаги қўшма машқлар якунланди. Бу ҳақда Россия Марказий ҳарбий округ қўмондони, генерал-полковник Александр Лапин маълумотларига асосланиб, "ТАСС" ахборот агентлиги маълум қилди.

Лапиннинг таъкидлашича, қўшма машғулотларда биринчи марта Сурияда тўпланган тажриба асосида разведка, авиация ва ўт ўчириш мажмуалари, қўниш усулларини қўллаган ҳолда турлараро қўшинлардан фойдаланилган.

— Сўнгги бир неча йил ичида Яқин Шарқ ҳудудидан Афғонистонга кескинликнинг силжиши кузатилди. Жараёнлар таҳлили шуни кўрсатадики, минтақамиздаги вазият бу мамлакатдаги сиёсий вазиятдаги воқеалар ривожига боғлиқ бўлади, — дейди Тожикистон мудофаа вазири, генерал-полковник Шерали Мирзо бундай машқлар уч мамлакат ҳарбий ҳамкорлиги тарихида биринчи марта ўтказилганини маълум қилиб.