Бокс бўйича жаҳон чемпиони Шаҳрам Ғиёсов Ўзбекистон Республикаси Давлат божхона қўмитасининг 30 йиллиги кўкрак нишони билан тақдирланди. Бу ҳақда спортчи ўз Instagram саҳифасида маълум қилди.

«Ҳурмат ва эътибор учун Ўзбекистон Давлат божхона қўмитаси раиси Акмалхўжа Мавлонов ва божхона раҳбарларига ўз миннатдорлигимни билдираман. Ўзбекистон Республикасига фидокорона хизмат қиламан», деб ёзган у.

Маълумот учун, сентябрь ойида таниқли боксчи, Олимпиада чемпиони Шаҳрам Ғиёсов Ўзбекистон Республикаси Божхона органига ишга қабул қилингани ҳақида хабар берган эди.