Тошкент метрополитенининг «Ерусти ҳалқа» йўналишидаги поездлар 5:00 дан 23:00 гача ҳаракатланади. Бу ҳақда «Тошкент метрополитени» ДУК ахборот хизмати хабар берди.

Қайд этилишича, 16 декабрдан метро темирйўлларида техник ишлар бажарилиб, ўрнатилган қурилмалар техник кўрикдан ўтказилади. Шу сабабли метрополитеннинг «Ерусти ҳалқа йўли» йўналишида поездлар ҳаракати соат 05:00 дан 23:00 гача амалга оширилади.

«Келтирилган ноқулайлик юзасидан барча йўловчилардан узр сўраймиз.

Техник ишлар якуни бўйича қўшимча маълумотлар метрополитеннинг ижтимоий тармоқдаги расмий саҳифалари орқали берилади», – дейилади хабарда.