Ноқулай об-ҳаво Қарши аэропорти фаолиятини вақтинча чеклаб қўйди, дея хабар бермоқда Uzbekistan Airports матбуот хизмати.

Туман ва кучли шамол ҳамда кўриш чегарасининг 400 метрга пасайиши туфайли Россиянинг «Азимут» авиакомпаниясига тегишли Москвадан Қаршига йўл олган А47095 рейси Самарқанд аэропортига йўналтирилди.

Маҳаллий вақт билан соат 07:15 да бортида 100 нафар йўловчи бўлган самолёт аэропортга келиб қўнди. Об-ҳаво яхшиланиши билан рейс Самарқанддан Қаршига жўнаб кетиш кутилмоқда.