БААнинг Абу-Даби шаҳрида 11 декабрь куни бокс бўйича IBA Champions Night мусобақаси бўлиб ўтди.

Бокс оқшомининг марказий жанги супер оғир вазн тоифаси вакиллари ўзбекистонлик Баҳодир Жалолов ва асли келиб чиқиши Россиядан бўлган, Баҳрайн шарафини ҳимоя қилаётган Данис Латипов ўртасида кечди.

Тўлиқ беш раунд давом этган жангда ҳакамларнинг якдил қарори билан Баҳодир Жалолов ғалаба қозонди. Жалолов ушбу ғалаба орқали IBA чемпионлик камарига эга чиқди.

Мазкур бокс оқшомида яна бир ўзбекистонлик боксчи Саиджамшид Жаъфаров Куба вакили Ёенлис Эрнандес Мартинесга қарши рингга кўтарилди. Мазкур беллашувда кубалик боксчининг қўли баланд келди.

Қайд этилишича, боксчи ушбу ғалаба орқали 30 минг АҚШ доллари ишлаб олган.