Ўзбекистон энергетика вазири ўринбосари Шерзод Хўжаевнинг билдиришича, АИ-80 бензини учун акциз солиғи бекор қилиниши натижасида яқин кунларда ушбу маркадаги бензин нархи 5500 сўмгача пасайиши кутилмоқда.

«АИ-80 бензини учун акциз солиғи бекор қилиниши АЁҚШларда ушбу маркада сотилаётган ёнилғининг нархи 1000-1200 сўм арзонлашишига олиб келиши керак. Бугунги кунда АИ-80 бензин нархи 5500 сўмгача пасайиши кутилмоқда.

Таъкидлаш жоизки, биржага чиқарилаётган ҳажмлар ҳам ортганлиги ҳамда биржада бошланғич нархдан 5 фоиздан ортиқ бўлмаган ҳолда нарх ошишини инобатга олган ҳолда айтиш мумкинки, 5500 сўмлик нархни яқин кунларда кўришимиз мумкин», — дейди Шерзод Хўжаев.