Республика Маънавият ва маърифат маркази Ўзбекистон Миллий телерадиокомпанияси, Ёшлар ишлари агентлиги, Маданият вазирлиги, Олий ва ўрта махсус таълим вазирлиги, Халқ таълими вазирлиги билан биргаликда «Шуҳратинг порласин токи бор жаҳон!» мавзусида Давлат мадҳиясини жамоавий жўр бўлиб куйлаш танловини эълон қилганидан хабарингиз бор.

Танловга республика бўйлаб 300 га яқин видеоролик келиб тушди ва ҳакамлар ҳайъати томонидан сараланди.  Якуний натижаларга кўра, 4 та номинация бўйича ғолиблар аниқланди.

«Давлат мадҳиясини энг яхши куйлаган оила» номинациясида:

1-ўрин – Бекпўлатовлар оиласи (Навоий вилояти);

2-ўрин – Сафаровлар оиласи (Тошкент шаҳри);

3-ўрин – Нутфиевлар оиласи (Бухоро вилояти).

«Давлат мадҳиясини энг яхши куйлаган мактаб» номинациясида:

1-ўрин – Ҳалима Худойбердиева номидаги ижод мактаби;

2-ўрин – Термиз шаҳридаги Президент мактаби;

Зангиота туманидаги 13-сон болалар мусиқа ва санъат мактаби;

3-ўрин – Қувасой шаҳридаги 90-мактаб-интернат;

Яшнобод туманидаги 255-умумтаълим мактаби.

«Давлат мадҳиясини энг яхши куйлаган гуруҳ» номинациясида:

1-ўрин – Навоий  давлат педагогика институти талабалари гуруҳи;

Фарғона вилояти ҳокимликлари ходимлари ва Фарғона ихтисослаштирилган санъат мактаби ўқувчилари гуруҳи;

2-ўрин – Қорақалпоқ давлат университети талабалари гуруҳи;

Тошкент шаҳридаги «Profi school» хусусий мактаби ўқувчилари гуруҳи;

3-ўрин – Ўзбекистон журналистика ва оммавий коммуникациялар университети талабалари гуруҳи.

«Давлат мадҳиясини энг яхши куйлаган меҳнат жамоаси» номинациясида:

1-ўрин – Ички ишлар вазирлиги жамоаси;

2-ўрин – «Ёшлар» телерадиоканали жамоаси;

3-ўрин – Марғилон шаҳридаги 1-умумтаълим мактаби жамоаси.

Эслатиб ўтамиз, ғолибларга 1-ўрин учун 10 миллион сўм, 2-ўрин учун 7 миллион сўм, 3-ўрин учун 5 миллион сўм пул мукофоти берилади. Тақдирлаш маросими эртага, 10 декабрь куни соат 11:00 да Ўзбекистон Республикаси Миллий гвардиясининг Маънавият ва маърифат марказида ўтказилади.