Ижтимоий тармоқларда «Бош врач шифокор ва ҳамшираларни жазолаш учун совуқда ушлаб турди», деган изоҳ билан фотосурат тарқалди. Ушбу расм Самарқанд шаҳридаги 10-сонли оилавий поликлиникада олинган. Бу ҳақда Соғлиқни сақлаш вазирлиги матбуот хизмати хабар берди.

Қайд этилишича, Самарқанд шаҳридаги 10-сонли оилавий поликлиника тиббиёт ходимлари ҳар иш кунини бадантарбия машқлари билан бошлашга одатланган. Ушбу машғулотлар ҳам поликлиника биноси ичида, ҳам ташқи ҳовлисида бажарилади.

Вазирлик матбуот хизмати суратга берилган «шифокор ва ҳамширалар совуқда ушлаб турилди», деган мазмундаги изоҳ мутлақо асоссиз деб атаган.