Молия вазирлиги ижтимоий тармоқларда ҳукумат номидан турли тўловлар ва нафақалар ажратилганлиги ҳақидаги ёлғон маълумотлар тарқалаётгани юзасидан аҳолини огоҳлантирди.

«Сизга шуни маълум қиламизки, Молия вазирлигининг барча расмий каналлари расмий текширилганлик белгига эга ва Сиз расмий манбалар орқали янгиликларни кузатиб, ишончли маълумотларни олишингиз мумкин.

Шунингдек, сизни қизиқтирган барча қўшимча саволларга 11-40 рақами орқали аниқлик киритишингиз мумкин.

Ҳурматли фуқаролар, илтимос, ёлғон маълумотларга ишонманг», — дейилади хабарда.