Музаффар Жамолитдинов исмли наманганлик депутат Facebookъдаги саҳифасига газ, электр билан боғлиқ муаммоларни олиб чиқаётганларни қамоқ билан «огоҳлантиргани» шов-шувларга сабаб бўлди. 

Депутат ижтимоий тармоқдаги саҳифаси орқали нима сабабдан бундай деганига изоҳ берди.

У ўз изоҳида халқни хотиржамликка чақирмоқчи эканини қайд этган. 

«Бундан 6 йил аввал мен ўзим бир ишда айбланиб 10 ой қамоқ эҳтиёт чорасида турмада сақланганман. Шунда оилавий хотиржамлик, тинчлик ҳамма нарсадан устунлигини англаб етганман. Мен 10 ой давомида кечирган ташвишларим шу даражада оғир бўлганидан ҳамда яна қайтадан тикланиш жуда қийин бўлганидан айни кундаги электр ва газ билан боғлиқ муаммолар ўз назаримда енгилдек туюлди.

 

Шу ўринда мен жойлаган постни таҳдид деб қабул қилган фуқаролардан тўғри қабул қилишларини сўраб узр сўрайман», дейди у.