Тошкент вилоятининг тоғли ҳудудида оғир аҳволда қолган 3 нафар фуқаро қутқарилди. Бу ҳақда ФВБ хабар берди.

Қайд этилишича, 4 декабрь куни 3 нафар фуқаро Хўжакент қишлоғи ҳудудида жойлашган тоғларга чиқиш мақсадида Тошкент вилоятининг Бўстонлиқ туманига боришган.

Денгиз сатҳидан 1700 метр баландликда саёҳатчилардан бирининг соғлиғи кескин ёмонлашиб қолади. Натижада ўзлари пастга туша олмай, Тошкент вилояти ФВБдан амалий ёрдам сўраган.

Қутқарувчилар зудлик билан айтилган манзилга етиб бориб, жабрланувчига биринчи тиббий ёрдам кўрсатган ва саёҳатчиларни пастга туширишган. Уларнинг аҳволи яхши бўлганлиги сабабли касалхонага ётқизилмаган.