2022 йилнинг 29 ноябрдан 3 декабрига қадар Олмаота шаҳрида “Бастау” талаба ва дебют фильмларининг Х Халқаро кинофестивали бўлиб ўтмоқда.

Ушбу киновестивалга бирданига Ўзбекистондан учта фильм киритилган.

Танловнинг ҳужжатли фильмлар бўлимида Михаил Бородиннинг “100% пахта” фильми иштирок этмоқда. Қисқа метражли фильмлар орасида Алиман Токтогулова ва Умаржон Жумаевнинг “Ер” ҳамда Дилшодбек Усмоновнинг “Монтаж” лойиҳалари бор.

Бундан ташқари, Пусан кинофестивалининг 2022 йилги асосий мукофотларидан бири соҳиби, таниқли ўзбек режиссёри Елкин Тўйчиев қисқа метражли фильмлар бўлими бўйича ҳакамлар ҳайъатини бошқаради.