Тошкентдаги хусусий мактабда ўқитувчи ўқувчига куч ишлатгани акс этган видео ижтимоий тармоқларда турли муҳокамаларга сабаб бўлмоқда. Тошкент шаҳар ИИББ ҳолат юзасидан текширув олиб борилаётганини маълум қилди.

Қайд этилишича, воқеа 11 ноябрь куни Чилонзор туманида жойлашган хусусий мактаблардан бирида содир бўлган.

5-синф ўқувчилари учун ўтилаётган дарс жараёнида ўқитувчи 1989 йилда туғилган А.Н. ўқувчиларга қўпол муомалада бўлиб, қўлини қайириб, қулоғидан тортган.

Мазкур ҳолат юзасидан Чилонзор тумани ИИО ФМБ томонидан терговга қадар текширув ўтказилаётгани ва текширув якуни бўйича қонуний қарор қабул қилиниши таъминланиши қўшимча қилинган.