Таниқли ўзбек шоираси Ҳосият Рустамованинг «Рангин кўзёшлар» номли шеърий тўплами Лондонда ўтказилган «Hertfordshire Press Awards» танлови ғолиби бўлди.

Ҳосият Рустамова 18 ноябрь куни Лондонда бўлиб ўтган тақдирлаш маросимида «Танқидчилар танлови» номинацияси ғолиби деб эълон қилинди.

Қайд этиш керак, танловда Ўзбекистондан ташқари, Қозоғистон, Озарбойжон, Тожикистон, Болгария, Исроил каби давлатлар ёзувчи ва шоирларининг асарлари баҳоланди.

Маълумот учун, «Hertfordshire Press Awards» тақдирлаш маросими Евросиё минтақаси ижодий ва маданий доиралари вакилларини бирлаштиришга қаратилган «Евросиё ижодий гильдияси» томонидан ҳар йили ташкил этилади.