Португалия президенти халққа мурожаатида мамлакатда муддатидан олдин парламент сайловлари ўтказилишини эълон қилди.

Бунинг сабаби ўтган ҳафта депутатлар ҳукумат томонидан таклиф қилинган келгуси йил учун бюджетни тасдиқламаганди. Сўл ҳаракатлар бюджетга қарши чиқди, улар соғлиқни сақлаш соҳасида ислоҳотлар ўтказиш, пенсия ва иш ҳақини оширишни талаб қилди. 

Шундан сўнг Португалия президенти мамлакат парламентини тарқатиб юборди ва муддатидан олдин сайловларни 30 январга белгилади.