“Муқаддасдир Ватан байроғи!” шиори остида ўтказилаётган тантанали байрам тадбирида Республика Маънавият ва маърифат маркази томонидан ташкил этилган «Инсон қадри учун» туркумидаги ижтимоий видеороликлар танлови ғолиблари тақдирланди.

Икки босқичда ўтказилган танловга 800 га яқин ижодий ишлар келиб тушди. Республика босқичига саралаб олинган видеороликлар ичидан 10 таси ҳакамлар ҳайъати қарорига кўра Oyina.uz порталида жамоатчиликка тақдим этилди.

Oyina.uz порталининг телеграм каналида энг кўп овоз тўплаган ва ҳакамлар ҳайъати эътирофига сазовор бўлган ғолиб ва совриндорлар билан танишинг:

5 нафар номинация совриндорлари:

1. Шохруҳ Норқулов;

2. Илдамбек Валижонов;

3. Мафтуна Абдукаримова;

4. Азизбек Собиров;

5. Лайло Исмоилова.

Уларнинг ҳар бири 10 миллион сўмдан пул мукофотига эга бўлишди.

Танлов ғолиблари:

3-ўрин соҳиби – Сирожиддин Пўлатов, 30 миллион сўм;

2-ўрин – Толибжон Мирзажонов, 40 миллион сўм;

1-ўрин соҳиби – Земфира Турсинбекова 50 миллион сўм пул мукофоти билан тақдирланди.