14 ноябрь куни Тошкентнинг Миробод, Сергели ва Яшнобод туманларининг айрим жойларида иссиқлик таъминоти ўчирилади, деб хабар берди Veolia Energy Tashkent.

Душанба куни соат 06:30 дан бошлаб ДУ-600 мм магистраль қувурида содир бўлган авария сабабли режадан ташқари ишлар олиб борилиши муносабати билан қуйидаги манзилларда иссиқ сув таъминоти узилмаган ҳолда иссиқлик таъминоти вақтинча тўхтатилади:

Қўйлиқ даҳаси 1,2,3,4, 5, 6 ва 7;

Мунис кўчаси;

Янги Қўйлиқ кўчаси;

Фитрат кўчаси;

Бехтерова Саракўл кўчаси;

Янги замон кўчаси;

Толимаржон кўчаси;

Саракўл кўчаси.

Компания хабарига кўра, иссиқлик таъминоти 14 ноябрь куни соат, тахминан, 21:00 га қадар қайта тикланади.