Республикада табиий газ истеъмоли ортиши муносабати билан 2022 йил 9 ноябрдан эътиборан Ўзбекистондаги барча АГТКШлар Энергетика вазирлиги ҳамда вилоятлар ҳокимликлари билан тасдиқланган жадвалга асосан махсус иш тартибига ўтказилади.

Жорий этилаётган чоралар вақтинчалик бўлиб, муносиб шарт-шароит пайдо бўлиши билан барча АГТКШлар одатдаги иш тартибига қайтади.

Табиий газ тўлдириш шохобчаларининг иш вақти 18:00 дан 6:00 гача чекланиши кутилмоқда. Бунда ёпилиш вақти маҳаллий ҳокимлик қарори билан белгиланади ва ҳудудларга қараб фарқ қилиши мумкин.

Чекловлар қачонгача амал қилиши ҳақида маълумот берилмаган.