Ялпи ички маҳсулот ҳажми 5,8 фоизга ошди. Бу ҳақда Давлат статистика қўмитаси хабар берди.

Қайд этилишича, 2022 йилнинг январь-сентябрь ойларида Ўзбекистонда ялпи ички маҳсулот (ЯИМ) ҳажми жорий нархларда 627,5 трлн сўмни ташкил этган.

Бу кўрсаткич 2021 йилнинг мос даври билан таққослаганда 5,8 фоизга ошган.

2022 йилнинг 9 ойида аҳоли жон бошига ҳисобланган ЯИМ ҳажми жорий нархларда 17,7 млн сўм (1 603 АҚШ доллари)ни ташкил этиб, 2021 йилнинг мос даври билан таққослаганда 3,6 фоизга ўсди.