Осиё тараққиёт банкининг ипотека бозори секторини ривожлантириш дастури доирасидаги мазкур кредит маблағи Ўзбекистон ипотека кредитларини қайта молиялаш компаниясининг иккиламчи бозор учун уй-жой ипотекаси, уй-жойларни ободонлаштириш ва «яшил» молиялаштиришга йўналтирилади.

ЎзАнинг ёзишича, Ўзбекистон «яшил» реновация кредитларидан иситиш ва совитиш тизимларини янгилаш ва ўрнатиш, қуёш панелларини ўрнатиш, сув изоляциясини яхшилаш — энергия самарадорлигини ошириш учун фойдаланиши мумкин.

Аввалроқ Осиё тараққиёт банки Ўзбекистонга озиқ-овқат хавфсизлигини яхшилаш учун 500 млн доллар, Орол денгизи сув ресурсларини бошқариш учун эса 150 млн доллар кредит ажратиши ҳақида хабар берилганди.