Фарғона вилоятидаги Uzsungwoo қўшма корхонасида 10 миллион доллар қийматга эга металларга қиздирилган ҳолда ишлов бериш линияси фойдаланишга топширилди.

Мазкур линиянинг ишга туширилиши натижасида 120 та янги иш ўринлари яратилиб, корхонанинг йиллик ишлаб чиқариш ҳажми 95 миллион долларга ошади.

Янги технологик жараён Ўзбекистонда ишлаб чиқариладиган Tracker ва Onix автомобиллари учун 20 турдаги бутловчи қисмларни маҳаллийлаштиришга имкон беради.

Аввалроқ Chevrolet Onix ноябрь ойидан сотувга чиқиши мумкинлиги ҳақида хабар берилганди.