Ўзбекистон Республикаси Ёшлар ишлари агентлиги, Ўзбекистон Истанбул Бош консулхонаси билан ҳамкорликда Ўзбекистон ёшлари умумжаҳон ассоциацияси Туркия вакиллиги томонидан 29 октябрь шанба куни Туркиянинг Истанбул шаҳрида «Жадидлар ҳафталиги» форуми ўтказилади.

Мазкур тадбирда Туркиядаги барча ўзбекистонлик ёшлар иштирок этиши мумкин.

Тадбир доирасида қуйидагиларни ўтказиш режалаштирилган:

— Жадидларга бағишланган илмий-амалий симпозиум;

— Қизиқарли лойиҳалар, танловлар, акциялар ва тақдимотлар;

— Туркиядаги талаба-ёшлар ўртасида «Заковат» интеллектуал ўйини;

— Бадиий чиқишлар ва фильм намойиши ҳамда ёшлар учрашувлари.