Республика давлат солиқ қўмитасининг маълумотига кўра, аҳоли томонидан онлайн назорат касса техникаси орқали 2022 йил январь-август ойларида 111,7 млрд сўмлик китоб сотиб олинган.

Қайд этилишича, ушбу давр мобайнида 5 708 та китоб савдоси билан шуғулланувчи субъектнинг 15,3 минг савдо шохобчалари орқали 980,6 минг марта китоб маҳсулотлари реализация қилинган.

Энг кўп китоб харид қилинган ҳудудлар:

• Тошкент шаҳри – 58,9 млрд сўм
• Андижон вилояти – 14,8 млрд сўм
• Тошкент вилояти – 12,5 млрд сўм
• Навоий вилояти – 6,8 млрд сўм
• Самарқанд вилояти – 4,1 млрд сўм

Таъкидланишича, таҳлилда китоб маҳсулотлари МХИК категорияси қамраб олинди.