2022 йилнинг январь—сентябрь ойларида умумий майдони 10 миллион 655,6 минг квадрат метр турар жой ишга туширилган. Бу ҳақда Давлат статистика қўмитаси хабар қилди.

Қайд этилишича, бу кўрсаткич ўтган йилнинг мос даврига нисбатан 9,4 фоизга ошган.

2022 йилнинг 9 ойида фойдаланишга топширилган турар жойларнинг:

– якка тартибда қурилган турар жойлар – 10 миллион 278,9 минг квадрат метр;

– намунавий лойиҳалар асосида қурилган турар жойлар – 217,3 минг квадрат метр;

– бошқа субъектлар томонидан қурилган турар жойлар – 159,4 минг квадрат метр.