Ўзбекистоннинг My Freighter юк авиакомпанияси биринчи Boeing-747 самолётини харид қилди.

Jumbo Jet номи билан танилган ва 105 тонна сиғимга эга Boeing-747 My Freighter компаниясининг биринчи шахсий юк самолёти бўлгани қайд этилмоқда.

2019 йилда ташкил этилган авиакомпания шу пайтгача Uzbekistan Airways компаниясидан ижарага олинган самолётларда юк рейсларини амалга ошириб келган.

Таъкидланишича, яқин келажакда My Freighter яна бешта Boeing-747 юк самолётини сотиб олишни, яқин беш йил ичида эса паркни 20 та юк самолётигача етказишни режалаштирган.