Шу йилнинг 19 октябрь куни соат 13:59 да Марҳамат тумани Фавқулодда вазиятлар бўлими 20 Ёнғин қутқарув қисмига Марҳамат тумани “Гар-гар” МФЙ Малҳам кўчаси 1 уйда жойлашган “Обиджон Ботиров” жоме масжидида ёнғин содир бўлганлиги бўйича хабар келиб тушган.

Марҳамат тумани ФВБ 20-ЁҚҚнинг 1-2 жанговар бўлинмаси соат 14:06 да воқеа жойига етиб борганида масжиднинг алангаланаётганини кўришади ва ёнғиндаги вазиятни ўрганиб, ёнғиннинг майдонидан келиб чиққан ҳолда Асака тумани ФВБ ва Булоқбоши тумани ФВБларидан қўшимча ёрдам чақирилди. Ёнғин-қутқарув бўлинмалари зудлик билан ёнғинни ўчиришга киришишган.

Соат 14:09 да ёнғин ўраб олиниб, соат 14:35 да ёнғин қутқарувчилар томонидан бутунлай бартараф этилган. Ёнғинга 5 та Ёнғин қутқарув экипажлари жалб этилган.