Самарқанд вилояти Ургут тумани Ургут эркин иқтисодий зонасида жойлашган "URGAZ carpet" МЧЖ томонидан оловда ёнмайдиган гилам ишлаб чиқарилмоқда. Ушбу инновация «InnoWeek.Uz-2022» халқаро инновацион ғоялар ҳафталиги доирасида ташкил этилган кўргазмада намойиш этилмоқда.

Ушбу гиламлар ҳақида Ургут эркин иқтисодий зонаси Инвесторлар билан ишлаш бўлими бошлиғи Миржаҳон Яздановдан маълумот олдик.

"Лойиҳа доирасида Хитой ва Туркия давлатларидан келтирилган мураккаб комбинацияли полиамид гранулаларидан ўтга чидамли, инновацион гиламлар ишлаб чиқарилмоқда. Корхона мазкур гиламдан йилига 5 миллион квадрат метр ишлаб чиқариб, Европага ва МДҲ давлатларига экспорт қилмоқда. Асосий харидорлар меҳмонхоналар, боғчалар, йирик хизмат кўрсатиш марказларидир. Йилига ўртача 20 миллион долларлик маҳсулот сотилмоқда", деди у.