Низомий номидаги Тошкент давлат педагогика университетида «21 октябрь – Ўзбек тили байрами куни» муносабати билан «Маърифатли жамият – Учинчи Ренессанс бунёдкори» эсселар танловининг Республика босқичи ғолибларини тақдирлаш маросими бўлиб ўтди.

Халқ таълими вазирлиги ташаббуси билан Вазирлар Маҳкамасининг Маънавият ва давлат тилини ривожлантириш масалалари департаменти ҳамда қатор давлат ташкилотлари ҳамкорлигида ўтказилган танловнинг вилоят босқичларида энг юқори балл тўплаган 27 нафар ғолиб танловнинг Республика босқичида иштирок этишди.

Тақдирлаш маросими якунида 1-ўрин соҳибига ноутбук, 2-ўрин соҳибига планшет ҳамда 3-ўрин соҳибига замонавий мобил аппарати совға қилинди. Шунингдек, бошқа иштирокчиларга ҳам турли эсдалик совғалари топширилди.