Баҳрайнда оғир атлетика бўйича Осиё чемпионати ўз поёнига етди. Унда иштирок этган Ўзбекистон терма жамоаси жами 6 та олтин, 3 та кумуш ва 10 та бронза медалларини қўлга киритди.

Эркаклар терма жамоаси мусобақада 6 та олтин, 2 та кумуш ва 5 та бронза медалларини жамғарди ҳамда умумжамоа ҳисобида 1-ўринни эгаллади.

Қайд этиш керак, мусобақада Олимпиада чемпионлари Руслан Нуриддинов ва Акбар Жўраев иштирок этмади.

Аёллар терма жамоаси эса баҳслар давомида 1 та кумуш ва 5 та бронза медалларини қўлга киритди.