Бугун ва дам олиш кунлари Ўзбекистон ҳудудига илиқ ва қуруқ ҳаво массаси кириб келиши давом этади. Бу ҳақда Гидрометеорология хизмати маркази хабар қилди.

Фақат республиканинг шимолий ҳудудларига Каспий денгизи ҳудудларидан булутли массивлар кириб келиши сабаб 15 октабр куни беқарор об-ҳаво бўлиши кутилмоқда, баъзи жойларда ёмғир ёғади.

Кундузги ҳаво ҳарорати ушбу куннинг ўртача меъёрий қийматларидан кўп бўлади ва 26-29 даражани ташкил этади.

Шимолда ва чўл ҳудудларда 16 октабр куни баъзи жойларда шамол 15-20 м/с гача кучайиши, айрим жойларда чанг-тўзонлар кузатилиши мумкин.