Туризм ва маданий мерос вазирлиги, Фарғона вилояти ҳокимлиги, Республика «Ҳунарманд» уюшмаси ва бошқа ташкилотлар ташаббуси билан 16-22 октябрь кунлари Марғилон шаҳрида халқаро «Атлас байрами» В анъанавий тўқимачилик фестивали ўтказилади. 

Маданий мерос агентлигининг хабарига кўра, ушбу фестивалда 20 та давлатдан 62 нафар мутахассис иштирок этиши кутилмоқда.

Фестиваль давомида анъанавий тўқимачилик ва либослар дизайни бўйича ўқув машғулотлари, халқ сайли, аския ва катта ашула ижрочилиги, кураш мусобақаси, дорбозлик, қўғирчоқбозлик ва анъанавий ҳунармандчилик буюмлари намойиши бўлиб ўтиши режалаштирилган.