Uzbekistan Airways 2022 йил 30 октябрдан Фарғонадан Дубайга мунтазам тўғридан-тўғри авиақатновларни йўлга қўяди. Бу ҳақда авиакомпания матбуот хизмати хабар берди.

Таъкидланишича, авиақатновлар ҳафтада икки марта – сешанба ва якшанба кунлари амалга оширилади.

Авиакомпания сайтидаги маълумотларга кўра, Фарғона – Дубай йўналишидаги чипталар нархи 2 217 926 сўмдан, Фарғона – Дубай – Фарғона йўналишидаги авиачипталар нархи эса 3 641 757 сўмдан бошланади. Нархлар 26 сентябрь ҳолатига кўра амал қилади.

Аввалроқ Кувайтнинг Jazeera Airways компанияси Наманганга ҳафтасига 3 марта парвозлар амалга оширишни бошлаши ҳақида хабар берилганди.