Bugun Respublika Maʼnaviyat va maʼrifat markazi hamda Toshkent Moliya instituti hamkorligida Oʻzbekiston xalq yozuvchisi Abdulla Qahhor tavalludining 115-yilligiga bagʻishlangan adabiy, maʼnaviy-maʼrifiy tadbir oʻtkazildi.

Anjumanda Respublika Maʼnaviyat va maʼrifat markazi rahbari Minhojiddin Mirzo, Oʻzbekiston Yozuvchilar uyushmasi raisi Sirojiddin Sayyid, Toshkent moliya instituti rektori Toʻlqin Teshabayev va boshqalar soʻzga chiqdi. Ular maʼruzalarida Abdulla Qahhor ijodi va asarlarining oʻzbek adabiyotidagi oʻrniga alohida toʻxtalib oʻtishdi.

Shuningdek, ijodiy kechada Toshkent moliya instituti talaba-yoshlari adibning “Anor” hikoyasi asosida sahnalashtirilgan spektakldan parcha namoyish etishdi. Suratlar va kitob koʻrgazmalari bilan boyitilgan tadbir soʻngida talaba-yoshlarga Respublika Maʼnaviyat va maʼrifat markazi tomonidan badiiy kitoblar tarqatildi.