Ayni paytda Samarqanddagi Kongress markazida ShHT kuzatuvchi davlatlar rahbarlari va faxriy mehmonlari ishtirokida sammitning kengaytirilgan majlisi boʻlib oʻtmoqda.

Unda Oʻzbekiston Prezidenti Shavkat Mirziyoyev ShHT doirasida Universitet rektorlari forumi, Madaniyat va turizm kunlari, qoʻshma sport tadbirlari, Universiada oʻyinlari kabi qoʻshimcha formatlarni yoʻlga qoʻyish tashabbusi bilan chiqdi.

Shuningdek, Shavkat Mirziyoyev ShHT Iqlim kengashini tuzishni taklif qildi.

“Biz oʻz tarkibida siyosatchilarimiz, jamoat arboblari, olimlar va ekspert-ekologlar, biznes vakillarimizni birlashtira oladigan ShHT Iqlim kengashini tuzishni taklif qilamiz”, – dedi Oʻzbekiston Prezidenti.