Oʻzgidromet markazi Oʻzbekiston boʻylab dam olish kunlari kutiladigan ob-havo maʼlumotini eʼlon qildi.

Juma kuni respublika boʻyicha asosan yogʻingarchilik kutilmaydi. Faqat Samarqand, Jizzax viloyatlarida kechga tomon baʼzi joylarda biroz qisqa muddatli yomgʻir yogʻishi mumkin. Harorat kunduzi +27…+32 darajadan oshmaydi.

Dam olish kunlari esa respublika boʻyicha yogʻingarchilik kutilmaydi. Faqat shanba, 17-sentyabr kuni togʻ oldi va togʻli hududlarning baʼzi joylarida qisqa muddatli yomgʻir yogʻishi, momaqaldiroq boʻlishi mumkin.

Oʻzbekiston boʻyicha havo harorati kechalari +11…+16 daraja, kunduz kunlari +27…+32 daraja atrofida boʻlishi kutilmoqda.