Xitoy Xalq Respublikasi Raisi Si Sinpin 14—16-sentyabr kunlari davlat tashrifi bilan Oʻzbekistonda boʻladi. Bu haqida Oʻzbekiston prezidenti matbuot kotibi Sherzod Asadov maʼlum qildi.

Tashrif dasturiga muvofiq Samarqand shahrida oliy darajadagi ikki tomonlama muzokaralar boʻlib oʻtadi. Uchrashuv yakunida Qoʻshma bayonot va salmoqli kelishuvlar toʻplamini imzolash koʻzda tutilgan.

Shuningdek, Rossiya prezidenti Vladimir Putin 15—16-sentyabr kunlari hamda Eron prezidenti Ibrohim Raisiy 14—16-sentyabr kunlari rasmiy tashrif bilan Oʻzbekistonda boʻladi.

Shavkat Mirziyoyev ikki davlat rahbarlari bilan muzokaralar oʻtkazadi.