Prezidentning “Taʼsirchan soliq mexanizmini qoʻllash natijasida hosil boʻlgan soliq qarzini hisobdan chiqarish toʻgʻrisida”gi farmoni qabul qilindi.

Hujjatga koʻra:

- foydalanilmayotgan obyektlar mulkdorlariga nisbatan oshirilgan stavkalarda qoʻllanilgan taʼsirchan soliq mexanizmi natijasida hosil boʻlgan mol-mulk soligʻi va yer soligʻi boʻyicha:

- mavjud soliq qarzi hisobdan chiqariladi;

- soliq qarzini undirish bilan bogʻliq sud va ijro ishlari tugatiladi;

- 2022-yil 1-iyuldan mazkur farmon kuchga kirgunga qadar boʻlgan davrda taʼsirchan soliq mexanizmini qoʻllash natijasida undirilgan soliq summalari kelgusi toʻlovlar hisobiga belgilangan tartibda tegishli obyekt mulkdorlariga qaytariladi.