Hukumatning tegishli qarori bilan Kompleks tadbirkorlik litsenziyasi (franshizing) shartnomalarini davlat roʻyxatidan oʻtkazish boʻyicha davlat xizmati ishga tushdi.

Unga koʻra davlat xizmatini koʻrsatishning maʼmuriy reglamentiga asosan:

• Franshizing shartnomasini davlat roʻyxatidan oʻtkazish Davlat xizmatlari markazi yoki YIDXP (my.gov.uz) orqali amalga oshiriladi.
•  
• Davlat xizmatini koʻrsatganlik uchun BHMning uchdan bir qismi miqdorida yigʻim undiriladi.
•  

Quyidagi hollarda yigʻim toʻlanmaydi:

• sud hujjati asosida franshizing shartnomasiga oʻzgartirish va qoʻshimchalarni roʻyxatdan oʻtkazishda;
•  
• roʻyxatdan oʻtkazish boʻyicha hujjatlar qaytadan koʻrib chiqilganda.

Taqdim qilingan hujjatlar mazkur Maʼmuriy reglament talablariga muvofiq boʻlganda, davlat roʻyxatidan (qayta roʻyxatdan) oʻtkaziladi.

Reglament talablariga nomuvofiq boʻlganda franshizing shartnomasini davlat roʻyxatidan (qayta roʻyxatdan) oʻtkazish rad qilinadi, bu haqida ariza beruvchini xabardor qilanadi.

Roʻyxatdan oʻtkazish rad etilgan taqdirda, ariza beruvchi 3 oyda kamchiliklarni bartaraf qilib yigʻim toʻlamasdan, qayta murojaat qilishi mumkin.

Maʼlumot uchun, Fuqarolik kodeksining 863-moddasiga muvofiq kompleks tadbirkorlik litsenziyasi shartnomasi yozma ravishda tuzilishi kerak va u shartnomaga muvofiq litsenziar sifatida ish koʻradigan yuridik shaxsni yoki yakka tadbirkorni roʻyxatga olgan organ tomonidan roʻyxatga olinishi kerak. Ushbu qoidaga rioya qilmaslik shartnomaning haqiqiy hisoblanmasligiga sabab boʻladi.