2022-yilning yanvar-iyul oylari yakuni bilan respublikaning tashqi savdo aylanmasi (TSA) 28 102,9 mln. AQSH dollarini tashkil etib, 2021-yilga nisbatan 6 343,9 mln. AQSH dollariga yoki 29,2 foizga koʻpaydi. 

Davlat statistika qoʻmitasi maʼlumotiga koʻra, hisobot davrida TSAda eksport hajmi 11 272,4 mln. AQSH dollariga (38,1 foizga koʻpaydi) va import hajmi 16 830,5 mln. AQSH dollariga (23,8 foizga koʻpaydi) yetgan. Shuningdek, yil boshidan buyon tashqi savdo balansining taqchilligi 5,56 milliard dollarni tashkil etdi.Oʻtgan yilning shu davriga nisbatan 119 million dollarga koʻpaydi, taqqoslash uchun iyun oyi oxirida 275 million dollarni, may oyida esa 275 million dollarni tashkil etdi. 350 million dollar.

Qoʻmita maʼlumotlarida aks etishicha, oltin eksportidan tushgan tushum jami eksport hajmining 26,4 foizini tashkil qilib, mazkur qimatbaho metall eksportidan tushgan tushum miqdori toʻrtinchi oyda ham oʻzgarmadi – 2,97 milliard dollar. 

Eslatib oʻtamiz, avvalroq Davstatqoʻm joriy yil yanvar-mart oylarida oltin Oʻzbekiston eksportining 51,1 foizi (2,97 mlrd dollar)ni tashkil qilgani haqida xabar bergan edi.

Mart oyining oʻzida esa oltin eksporti 609 million dollarni yoki oylik eksport hajmining 36 foizini tashkil etgan edi.