Shaxsning sudlanganlik holati bir qator paytlarda tugallanadi. Bu haqida “Huquqiy axborot” kanali yozmoqda.

Qayd etilishicha, ular quyidagilar:

• shartli hukm qilinganlarga nisbatan – sinov muddati tugagan kundan boshlab; 
• majburiy jamoat ishlari, xizmat boʻyicha cheklash yoki intizomiy qismga joʻnatish tarzidagi jazolarini oʻtab chiqqach; 
• jarima jazosi ijro etilgan kundan keyin, muayyan huquqdan mahrum qilish yoki axloq tuzatish ishlari jazolari oʻtalganidan keyin – 1 yil oʻtgach; 
• ozodlikni cheklash jazosi oʻtalganidan keyin – 2 yil oʻtgach; 
• 5 yildan koʻp boʻlmagan muddatga ozodlikdan mahrum qilish jazosi oʻtalganidan keyin – 4 yil oʻtgach; 
• 5 yildan ortiq, lekin 10 yildan koʻp boʻlmagan muddatga ozodlikdan mahrum qilish jazosi oʻtalganidan keyin – 7 yil oʻtgach; 
• 10 yildan ortiq, lekin 15 yildan koʻp boʻlmagan muddatga ozodlikdan mahrum qilish jazosi oʻtalganidan keyin – 10 yil oʻtgach. 

Mehnat kodeksiga koʻra, muqaddam sudlangan shaxslarni ishga qabul qilmaslik (bundan qonunchilikda nazarda tutilgan hollar mustasno), yoxud shaxslarni ular yaqin qarindoshlari sudlangani munosabati bilan ishga qabul qilmaslik mumkin emas.