Kecha, 16-avgust taxminan soat 13:50 fuqaro D.G. Toshkent viloyati Favqulodda vaziyatlar boshqarmasiga bergan xabariga koʻra, 15-avgust kuni u Boʻstonliq tumani Chimyon togʻ tizmasiga sayr qilish maqsadida 5 nafar nabirasi bilan borgan va yoʻldan adashganini maʼlum qilib, amaliy yordam soʻragan.

Xabarga asosan, zudlik bilan qidiruv-qutqaruv ishlariga Chimyon otryadi alpinist qutqaruvchilari jalb qilingan. Qutqaruvchilar tomonidan aholi punktidan 15 km uzoqlikda boʻlgan Mozorsoy va Teshiktosh togʻlari hududi boʻylab olib borilgan qidiruv-qutqaruv ishlari natijasida, fuqarolar 16-avgust kuni soat 18:20 da topilgan.

Ushbu fuqarolar xavfsizligi taʼminlangan holda psixologik yordam koʻrsatilib, togʻ choʻqqisidan olib tushilgan. 

Fuqarolarning sogʻliqlar yaxshi, ularga hech qanday tan jarohatlari yetmagan.