Koronavirus pandemiyasi sababli ikki yillik tanaffusdan soʻng Toshkentdan Nijniy Novgorodga muntazam avtobus qatnovi tiklandi.

Tashtrans matbuot xizmati xabariga koʻra, 2022-yil 11-avgustdan boshlab “Toshkent” avtovokzalidan Nijniy Novgorod shahri bilan muntazam avtobus qatnovi tiklandi.

Qayd etilishicha, Toshkentdan Nijniy Novgorodga avtoreyslar payshanba kunlari amalga oshiriladi. Safar vaqti taxminan 40 soatni tashkil qiladi. Ushbu yoʻnalish boʻyicha chipta narxi 953 000 soʻmga teng.

18-iyuldan boshlab Toshkent va Moskva, Qozon hamda Sankt-Peterburg oʻrtasida muntazam avtobus qatnovi tiklandi.