Samarqand va Toshkent viloyatlari hamda poytaxtda odil sudlovni amalga oshirishda qonuniylikni buzgani uchun besh nafar sudbyaning vakolati muddatidan oldin tugatildi. Bu haqda Sudyalar oliy kengashining kecha, 9-avgust kuni oʻtkazilgan yigʻilishida qaror qabul qilingan.

Muhokamalar yakunida Kengash qarori bilan: 

•    Samarqand viloyati fuqarolik ishlari boʻyicha Samarqand shahar sudining sudyasi S. Tursunov;

•    Toshkent shahar jinoyat ishlari boʻyicha Shayxontahur tuman sudining sudyasi A. Yuldashev;

•    Toshkent viloyati jinoyat ishlari boʻyicha Olmaliq shahar sudining sudyasi  B. Joʻrabekov yozma arizalariga koʻra;

•    Toshkent shahar sudining iqtisodiy ishlari boʻyicha sudyasi I. Xakimova odil sudlovni amalga oshirishda qonuniylikni buzganligi uchun;

•    Samarqand viloyati jinoyat ishlari boʻyicha Payariq tuman sudining raisi Sh.Sharipov vafot etganligi sababli lavozimlaridan ozod etilib, vakolatlari muddatidan ilgari tugatildi.