Oʻzbekiston Respublikasi Gidrometeorologiya xizmati markazi tomonidan berilgan maʼlumotga koʻra, joriy yilning 10-12-avgust kunlari kutilayotgan yomgʻirlar yogʻishi sababli, Fargʻona vodiysining togʻ oldi va togʻli hududlarida:

Namangan viloyati: Pop, Kosonsoy, Chortoq, Chust, Namangan, Yangiqoʻrgʻon tumanlarida;

Fargʻona viloyati: Soʻx, Shohimardon, Fargʻona, Beshariq tumanlarida sel-suv toshqin hodisalari yuzaga kelishi mumkin.

“Togʻli va togʻ oldi hududlarda istiqomat qiluvchi aholi, dam olish maskanlarida dam oluvchilar va ushbu hududlarda harakatlanuvchi haydovchilardan ehtiyotkorlik choralarini koʻrishni soʻraymiz”, deyiladi xabarda.