OTMga kirish testlarining birinchi kunidanoq telefondan foydalangan abituriyent aniqlandi

Saqlash
17:20 / 08.08.2022 173 0

8-avgust kunidan boshlab Oʻzbekistonda OTMlarga kirish test sinovlari boshlandi. Birinchi kunning oʻzidayoq Fargʻona viloyatida davlat imtihoniga telefon bilan kelganlar aniqlandi. Ijtimoiy tarmoqlarda kimyo fanidan test savollarining ayrim naʼmunalari tarqaldi. Davlat test markazi bunga izoh berib, “Archa bayram” boshlanmasdan yakunlanganini maʼlum qildi.

 

Unda aytilishicha, kimyo fanidan raqami koʻrinmagan test topshiriqlari kitobi 8-avgust kuni oʻtkazilgan test sinovlariga taalluqli. Imtihonga shuncha tekshiruvlarga qaramay, telefon olib kira olgan abituriyent test sinovi vaqtida undan foydalanayotganida dalolatnoma asosida chetlashtirilgan.

 

 

 

 

 

Abituriyent testga telefon olib kirishni uddalasa, Davlat test markazi ularni aniqlab, chetlatishni uddalaydi, deya taʼkidladi DTM. Markaz barchasi nazoratda ekanini koʻrsatib berishi hamda jarayonlar shaffof va adolatli oʻtishiga ishontirmoqda.

 

Qolaversa, matematika fanidan test topshiriqlari aks etgan, lekin test topshiriqlari raqami koʻrinmagan test topshiriqlari kitobi esa diagnostik test sinovlariga oid.

 

“Mazkur test topshiriqlari kitobi 8-avgust (bugun) kuni oʻtkazilgan oliy taʼlim muassasalarinig bakalavriat taʼlim yoʻnalishlariga kirish test sinovlariga taalluqli emas”, — deyiladi xabarda.

 

Izoh yo‘q

Izoh qoldirish