Namangan viloyatining Kosonsoy tumanidagi “Ozod” mahalla fuqarolar yigʻinida istiqomat qiluvchi Muxtorxon Dadaxonov tuman Fuqarolik holati dalolatnomalarini yozish boʻlimiga ariza bilan murojaat qildi. Bu haqida OʻzA xabar bermoqda.

Mazkur murojaat oʻrganilganda 1942-yilda tugʻilgan ushbu fuqaro turli sabablarga koʻra tugʻilganlik guvohnomasini olmagani aniqlandi.

Tuman FHDYO boʻlimi tomonidan mehnat faxriysiga arizasiga muvofiq birinchi marta tugʻilganlik haqidagi guvohnomasi qayd etildi.

Maʼlumot oʻrnida, Kosonsoy tumani FHDYO boʻlimi tomonidan joriy yilning olti oyi davomida 98 ta nikoh tuzilganligi haqida va 515 ta tugʻilish kabi dalolatnoma yozuvlari qayd etilgan.