Senatning 29-yalpi majlisida moliya vaziri oʻrinbosari Odiljon Isakov 1-iyul holatiga umumiy davlat qarzi 25,9 mlrd dollarni tashkil etayotganini maʼlum qildi.

“Shundan 23,2 mlrd dollari davlat tashqi qarzi hisoblanadi. Bu asosan byudjetni qoʻllab-quvvatlash, infratuzilma, sanoat va qishloq xoʻjaligi loyihalariga yoʻnaltirilgan”, — dedi u.

Tashqi qarz yoʻnaltirilgan sohalar:

– Byudjetni qoʻllab-quvvatlashga — $6 mlrd;
– Yoqilgʻi-energetika sohasiga — $5,6 mlrd;
– Transport va transport infratuzilmasiga — $2,5 mlrd;
– Qishloq va suv xoʻjaligiga — $2,4 mlrd;
– Uy-joy kommunal xoʻjaligiga — $2,2 mlrd;
– Tadbirkorlik faoliyatini qoʻllab-quvvatlashga — $1,5 mlrd;
– Kimyo sanoatiga — $1,1 mlrd;
– Taʼlim va sogʻliqni saqlashga — $700 mln;
– Boshqa strategik va ijtimoiy ahamiyatga ega loyihalarga — $1 mlrd.