Oʻzbekistonda 2022-yil yanvar-iyun oylarida xodimlarga 82,5 trillion soʻmga yaqin ish haqi hisoblangan. Bu haqda Davlat statistika qoʻmitasi xabar berdi.

Qayd etilishicha, shu davrda rasman 5,4 million nafarga yaqin xodimga ish haqi hisoblangan. Oʻrtacha oylik ish haqi qariyb 2,8 million soʻmdan toʻgʻri kelmoqda.

Hisobot davrida oʻrtacha ish haqi Oʻzbekiston boʻyicha Toshkent shahrida eng yuqori — 4,4 million soʻmni, Sirdaryo viloyatida eng past — 1,99 million soʻmni tashkil etgan.