Oʻzbekistonda pul oʻtkazmalari hajmi keskin oshdi

Saqlash
12:08 / 03.08.2022 643 0

Joriy yilning birinchi yarim yilligida Oʻzbekistonga jami 6,5 mlrd dollarlik transchegaraviy pul oʻtkazmalari kirib kelgan. Bu haqda  Markaziy bankning  “Pul-kredit sharoitlari sharhi”da keltirilgan.

 

Qayd etilishicha, mamlakatga kirib kelgan pul oʻtkazmalari hajmi 2022-yilning II choragida sezilarli darajada oshgan va oʻtgan yilning mos davriga nisbatan 2,6 barobarga oʻsib, 5,1 mlrd dollarni tashkil etgan.

 

Shuningdek, joriy yilning yanvar-iyun oylaridagi koʻrsatkich 2020-yilning mos davriga nisbatan 2 barobarga yuqori boʻlgan hamda maʼlum jihatdan aholining isteʼmol va investitsion faolligini qoʻllab-quvvatlashga xizmat qilmoqda.

 

Transchegaraviy pul oʻtkazmalarning keskin oʻsishi:

 

– rubl almashuv kursining dollarga nisbatan sezilarli darajada mustahkamlanishi;

 

– Rossiyadagi valyuta cheklovlari natijasida mehnat muxojirlarining pul oʻtkazmalarini norasmiy kanallar orqali emas rasmiy kanallar orqali yuborishga oʻtganligi;

 

– Rossiyaga naqd pulda eksport qiluvchi kichik va oʻrta biznes subyektlarining ham mablagʻlarini pul oʻtkazmalari kanallar orqali yuborilishi kabi omillar bilan izohlangan.

Izoh yo‘q

Izoh qoldirish