Turkiya hukumati tomonidan O‘zbekistonga beg‘araz yordam sifatida COVID-19ga qarshi Xitoyda ishlab chiqarilgan “Sinovak” vaksinasi olib kelindi.

Istanbul – Toshkent reysi bilan mamlakatimizga keltirgan “Sinovak” vaksinasining 200 ming dozasi shuningdek, 20 ming quti “Favipiravir” dori preparati yurtimiz vakillari tomonidan qabul qilib olindi, deya xabar beradi Sog‘liqni saqlash vazirligi axborot xizmati.

O‘zbekiston va Turkiya hukumatlari o‘rtasida sog‘liqni saqlash sohasida grant yordamiga oid imzolangan bitim asosida olib kelingan “Sinovak” vaksinasi mamlakatimizga keltirilgan oltinchi turdagi vaksinadir.

Shunday qilib, yurtimizga emlash jarayonlarida foydalanilayotgan jami vaksina 28 673 528 dozani tashkil qilmoqda.